वसन्त बायुङ राईको उपन्यास "कठुवा"को बारेमा कृषि विज्ञ जीवन राईको पाठकीय धारणा

उदियमान साहित्यकार श्री वसन्त बायुङ राई कृत उपन्यास शुरु देखि अन्तिम सम्म पुरै पढियाे । मैले कलेज जीवनमा अनिवार्य पढ्नुपर्ने उपन्यास बसाई र त्यसपछि मदन पुरुस्कार प्राप्त उपन्यास सेताे धर्ती राम्रोसँग पढेकाे थिएँ । यसपछि राम्रोसँग पढेकाे उपन्यास यही " कठुवा " नै हाे । उपन्यास भन्दा फरक बिधाका पुस्तकहरु मैले धेरै पढ्ने गर्दछु ।

- कठुवा पुरा सामाजिक उपन्यास हाे । उपन्यासकार बायुङले साेलुखुम्बु अासपासकाे राम्रोसँग चित्रण गरेका छन । कथाले मागे अनुसार लेटाङ माेरङ र धनकुटा समेत बर्णनमा परेका छन । पात्रहरुकाे छनाैट र तिनकाे चरित्र चित्रण हुबहु नै छ । याे उपन्यासको सफलता हाे ।

- बिषय बस्तुकाे उठान हेर्दा उपन्यासकार उपन्यास लेखनमा निकै अभ्यस्त जस्तो देखिन्छ । यसले उपन्यासकारले मेहनत गरे अागामी दिनमा समाजका लागि एकदमै राम्रो उपन्यास र कृति हरु ल्याउन सक्नेछन् ।

- पात्रहरुले गर्ने सम्वाद ठेट नेपाली झररा शब्द र स्थानीय परिवेश सुहाउँदो छ । " जाँठा शब्द " नभएको भए याे उपन्यास खल्लो हुनेथियो । राई, लिम्बू समाजमा त्यो शब्द सुन्नु सामान्य हाे र याे समाजमा बसेपछि याे शब्द प्यारो पनि हुन्छ ।

- पुस्तकमा केही कमजोरी अवस्य छन । पुस्तक शुरुबाट नै शुरु गर्नुपर्ने हुन्छ तर याे पुस्तक पढ्नुभन्दा पहिला पछाडि बाट शुरु गर्नुपर्ने हुन्छ । कारण उपन्यासमा प्रयाेग भएका बायुङ भाषाहरुकाे नेपालीकरण पछाडि राखिएको छ । त्यो बुझेर मात्रै उपन्यास पढे राम्रोसँग बुझिन्छ ।

- उपन्यासको पात्रहरुकाे केही चिनारी र उनीहरुको भुमिका बारे कसैलाई लेख्न लगाएर भएपनि संक्षिप्त रुपमा पुस्तककाे पछाडितिर राखिएको भए ज्यादै सुन्दर हुने थियोे ।

- भबिष्यमा उपन्यासकारले मेहनत राम्रोसँग गर्नुपर्ने देखिन्छ । साहित्यिक अाकाशमा चम्किलो तारा बनेर बस्नु धेरै नै मेहनत अावश्यक छ ।

उज्ज्वल भबिस्याकाे हार्दिक शुभकामना । उपन्यासकार वसन्त बायुङलाई ।

-